Азық-түлік өнімдеріне шекті бағаның өсуіне жол бермеу керек
- author «Ақ жол»
- 21 сәуір, 2020
- 204
ҚР Премьер-Министрі Асқар Мамин Президент жанындағы Төтенше жағдай режімін қамтамасыз ету жөніндегі мемлекеттік комиссияның кезекті отырысында әлеуметтік маңызы бар азық-түлік өнімдеріне шекті бағаның өсуіне жол бермеуді тапсырды. «Еліміздегі санитарлық-эпидемиологиялық ахуал туралы Денсаулық сақтау министрі Е.Біртанов, халықты азық-түлікпен қамтамасыз ету туралы Ауыл шаруашылығы министрі С.Омаров, әлеуметтік маңызы бар тауарлар бағасын реттеу туралы Сауда және интеграция министрі Б.Сұлтанов баяндады. Баяндамаларда Қазақстанда түрлі азық-түлік тауарларының жеткілікті қоры бар екені айтылды. Қор үнемі толтырылып отырады, сондықтан олардың тапшылығы болмайды», делінген хабарламада. Жиында Үкімет басшысы Ауыл шаруашылығы министрлігіне өңірлердің әкімдіктерімен бірлесіп, белгілі бір тауар түрлерінің туындауы мүмкін тапшылығына дер кезінде әрекет ету үшін азық-түлік қорына, оның өндірісінің теңгеріміне және өңіраралық тасымалына күн сайын мониторинг жүргізуді тапсырды. «Біз 9-дан аса әлеуметтік маңызы бар азық-түлік тауарларының шекті бағасын бекіттік. Бағаны ұстап тұрудың тиісті тетігі бар. Дегенмен, бірқатар өңірлерде бірден кейбір азық-түлік өнімдеріне шекті бағаның өсуі байқалып отыр. Әкімдіктерге мұндай фактілерге жол бермеуді және осы мәселені жеке бақылауға алуды тапсырамын», деді А.Мамин. Премьер-Министр өңірлік тұрақтандыру қорларында азық-түліктің қажетті қорын қамтамасыз етуді тапсырды. Бұған қоса отырысқа қатысушылар төтенше жағдай кезінде ірі индустриялық жобаларды жүзеге асыру, ақпараттық технологиялар саласында қызметтерді қамтамасыз ету және т.б. мәселелерді қарады.
Ұқсас жаңалықтар
Құтқарушыны қандай жағдайда шақыру керек?
- 5 қыркүйек, 2024
Өрт қауіпсіздігі айлығы өтуде
- 5 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді