Әлеумет
Облыстың әлеуметтік-экономикалық даму қорытындылары қаралды Облыс әкімі Бердібек Сапарбаевтың төрағалығымен өткен аппараттық
- author «Ақ жол»
- 15 сәуір, 2020
- 150
![Облыстың әлеуметтік-экономикалық даму қорытындылары қаралды Облыс әкімі Бердібек Сапарбаевтың төрағалығымен өткен аппараттық](https://aqjolgazet.kz/uploads/resized-images/2020/04/6ec466925473249c27506c07f0e4a522.jpeg)
Облыстың әлеуметтік-экономикалық даму қорытындылары қаралды Облыс әкімі Бердібек Сапарбаевтың төрағалығымен өткен аппараттық
Облыс әкімі Бердібек Сапарбаевтың төрағалығымен өткен аппараттық кеңесте аймақтың ағымдағы жылдың бірінші тоқсанындағы әлеуметтік-экономикалық даму қорытындылары сараланды. Сондай-ақ, жергілікті атқарушы органдардың карантин жағдайындағы іс-әрекеттері және халықпен кері байланыс орнатуға қатысты мәселелер талқыланды.
Экономика және бюджеттік жоспарлау басқармасының басшысы Гүлдана Жауынбекованың айтуынша, ағымдағы жылдың үш айында облыс бойынша 114,7 миллиард теңгенің өнімі өндіріліп, өнеркәсіптегі өнім көлемінің индексі 97,9 пайызды құраған. Экономикалық көрсеткіштердің төмендеуіне "Қазфосфат" ЖШС зауытындағы пештің және Тараз бен Меркі қант зауыттары жұмыстарының тоқтауы әсер еткен.
Бюджет кірісіндегі көрсеткіштер де ойдағыдай емес. Мемлекеттік кірістер департаменті басшысының хабарламасында көрсетілгендей, жергілікті бюджеттің шығындары 3,195 миллиард теңгені құрайды.
- Карантин ерте ме, кеш пе аяқталады. Өмір ағымы өз арнасына түседі. Сондықтан бүгінгі жағдайды тиімді пайдаланып, көрсеткіштерді қалпына келтіруге тырысу керек. Ең алдымен, жергілікті жерлердегі ахуалдың нақты көрінісіне мұқият талдау жасап алу маңызды. Бүгін не істеу керекпіз, ертең не істей аламыз? Шағын кәсіп пен халықты қолдау жөніндегі мемлекеттік бағдарламаларды іске асыруға айрықша назар аудару қажет. Бұл мақсатқа Үкімет тарапынан ауқымды қаражат қарастырылуда. Оны ұтымды ұқсата білейік. Бұл орайдағы жобалар өңір экономикасына жұмыс жасап, тұрғындардың табысын арттыруға ықпал етуі тиіс, - деді Бердібек Сапарбаев.
Облыс әкімі өз орынбасарлары мен басқарма басшыларын "Еврохим" ЖШС, Амангелді мұнай өңдеу зауыты сияқты ірі кәсіпорындармен жүйелі жұмыс жүргізуге шақырды.
Өңірдің кейбір орта және шағын кәсіпорындарының тоқтап тұруына қатысты өзекті мәселелердің оңынан шешілуіне қол жеткізу қажет. Өз кезегінде кәсіпорын басшылары жұмысшыларына қамқорлық жасауы тиіс. Жалақыны арттыру мәселесі де өзекті күйінде қалып отыр. Сондай-ақ, инвестиция тарту жөніндегі жұмыстарды жандандыра түсу керек.
Бердібек Сапарбаев облыста балалар және спорт алаңдарын салу үшін "Самұрық-Қазына" қорынан қаржы бөлінгенін атап өтті. Олардың құрылысы Тараз қаласының Қаратау шағын ауданында, сондай-ақ Байзақ ауданының Сарыкемер және Қордай ауданының Масаншы ауылдарында жүргізілмек. Бұл орайда жергілікті әкімдіктер бөлінген қаражатты тиімді пайдаланғаны абзал.
Өңір басшысы жауапты тұлғаларға карантиндік тәртіптің талаптары мен шарттарын қатаң сақталуын қамтамасыз ету қажеттігін ескертті. Сонымен қатар, ол жауапты тұлғалардың назарын коронавирустық инфекциямен күресте алдыңғы шептегі медицина қызметкерлері, полиция және басқа да мамандар үшін тиісті жағдайлар жасау керектігіне аударды.
Жиында ҚР Ұлттық Банкі Жамбыл облыстық филиалының директоры Евгений Шарыгин сөз алып, екінші деңгейлі банктердің төлемдер мен жәрдемақы төлеу жұмыстарының мерзімі ұзартылуына қатысты шаралардан хабардар етті. 10 сәуірдегі мәліметтерге сәйкес банктерде 42500 теңге көлеміндегі жәрдемақыны төлеу бойынша барлығы 43835 шот ашылған. Бүгінгі таңда көптеген банктерде электрондық қызметтер қолжетімді десек, бұл орайда бөлімшелерге бармай-ақ төлем карталарын және шоттарды ашуға болатындығы айтылды.
Сондай-ақ, облыста 9 сәуірден бастап "Нұр Отан" партиясының желісі бойынша "Біз біргеміз!" қорынан 50 мың теңге мөлшерінде жәрдемақы төлеу жұмыстары жүргізілуде. Бұл көмекті шамамен халықтың әлеуметтік осал топтарындағы 8,5 мыңдай адам алады деп көзделуде.
Басқосу барысында халықпен тиімді кері байланыс орнату мәселелері де қаралды.
Бердібек Сапарбаев мемлекеттік органдардың басшыларына азаматтардың өтініштерімен жүйелі түрде жұмыс жүргізу қажеттігін ескертті. Ол 109 бірыңғай диспетчерлік қызметін облыс әкімі аппаратының қарамағына беру туралы бастаманы қолдады. Алдағы уақытта байланыс орталығының жұмысын күшейту жоспарлануда десек, бұл орайда Нұр-Сұлтан және Алматы қалаларындағы аталған қызмет тәжірибесі негізге алынбақ
Zhambyl.gov.kz
Ұқсас жаңалықтар
Құтқарушыны қандай жағдайда шақыру керек?
- 5 қыркүйек, 2024
Өрт қауіпсіздігі айлығы өтуде
- 5 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді