Әрбір төртінші қазақстандық «NUR OTAN» партиясына жүгінеді
- author «Ақ жол»
- 6 ақпан, 2020
- 221
Нұрсұлтан Назарбаев «Nur Otan» партиясы Төрағасының бірінші орынбасары Бауыржан Байбекті қабылдады. Қазақстанның Тұңғыш Президентіне халықпен кері байланысты күшейту және партия активі құрамының сапасын жақсарту бойынша қабылданған шаралар жөнінде, сондай-ақ, Саяси кеңестің кеңейтілген отырысына дайындық барысы туралы баяндалды. – 2019 жылы партияға 213 мыңнан астам азамат өтініш білдірді. Бұл бір жыл бұрынғы көрсеткіштен 34 пайызға көп. Сауалнамаларға сәйкес, әрбір төртінші қазақстандық мәселе туындаған жағдайда «Nur Otan» партиясына жүгінеді. Сіздің тапсырмаңызға сәйкес өңірлерді аралау басталды. Әсіресе шалғайдағы елді мекендерге ерекше назар аударып отырмыз. Жуырда Атырау облысының Мақат және Жылыой аудандарында болдық, – деді Б.Байбек. Елбасы азаматтардың мәселелерін шешуде партияның белсенді болуының маңыздылығын айта келе, халықтың өмір сүру деңгейін жақсартуға бағытталған іс-шараларды жүзеге асыру тұрғысынан өңірлердегі инфрақұрылымдық даму мәселесіне тоқталды. – Атырау мен Астрахань арасындағы жол құрылысы жүріп жатыр. Ақтөбе мен Атырау қалалары арасында да жол салынады. Ірі автожолдардың құрылысын аяқтағаннан кейін, облысішілік жолдардың құрылысына кірісу қажет. Бұл тұрғындар үшін өте маңызды, – деді Нұрсұлтан Назарбаев. Кездесу соңында «Nur Otan» партиясының Төрағасы бірқатар нақты тапсырма берді.
Ұқсас жаңалықтар
Қоршаған ортаны қорғауға қоғам белсенділігі қажет
- 19 қыркүйек, 2024
Болашағын әскери саламен байланыстырған сарбаздар
- 19 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді