Мемлекет басшысы Алматы облысының әкіміне бірқатар тапсырмалар жүктеді
- author «Ақ жол»
- 20 тамыз, 2014
- 435

Елбасы Нұрсұлтан Назарбаев жұмыс сапары барысында Алматы облысының әкімі Аңсар Мұсахановқа бірқатар тапсырмалар жүктеді.
Президент егіс алқаптарын тексеруді, пайдаланылмай жатқан жерлерді қайтарып алуды, қант қызылшасының алқабын ұлғайтуды тапсырды.
- Қант қызылшасы сіздерде, Алматы облысында ғана өседі, егіс алқабын неге кеңейтпейсіздер? - деп сұрады Елбасы бұл өсімдік өсетін аудандардың әкімдерінен. - Зауыттардың бәрі жеке меншікке өтті, әрқайсысы өз шартын қояды. Шетелдік шикізат - қант қамысын қайта өңдейді. Керек болса жаңадан зауыттар саламыз.
Президент Нұрсұлтан Назарбаев қант қызылшасының алқабын кеңейту мен оны қайта өңдеуге кедергі келтіретін мәселелерді жақын арада анықтауды және оны шешуді талап етті.
«Ақ бұлақ», «Еңбекпен қамтудың жол картасы 2020» бағдарламаларының жүзеге асуына ерекше мән беруді тапсырды.
- Тұрғындардың өмір сүру деңгейі осы бағдарламалардың сапалы жүзеге асуына байланысты. Сондықтан бұл жобаларға жауапкершілікпен қарауларыңызды сұраймын, - деді Нұрсұлтан Назарбаев.
Елбасы, әсіресе, 100 пайыз орындалуы тиіс инновациялық жобаларға айрықша тоқталды.
Ақпарат көзі: www.kazinform.kz
Ұқсас жаңалықтар
Әр қадамымызды халық игілігі үшін жасап отырмыз
- 3 шілде, 2025
Күзде Starlink желісі ресми түрде өз жұмысын бастайды
- 19 маусым, 2025
Ақпарат
Сотқа деген сенім – бәрінен маңызды
- 1 шілде, 2025
Жамбылда ҚАЖД қызметкерлері қан тапсырды
- 14 маусым, 2025
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді