Жаңалықтар
Кәсіпқой бокс: Мейірім Нұрсұлтановтың қарсыласы анықталды
- author «Ақ жол»
- 15 наурыз, 2019
- 206
Кәсіпқой бокс: Мейірім Нұрсұлтановтың қарсыласы анықталды
АСТАНА. ҚазАқпарат - Қазақстандық боксшы Мейірім Нұрсұлтановтың кәсіпқой бокстағы келесі қарсыласы анықталды, деп хабарлайды ҚазАқпарат Қазақстан бокс федерациясының баспасөз қызметіне сілтеме жасап.
Әлі бірде-бір мәрте жеңіліп көрмеген боксшы 24 наурыз күні АҚШ-тың Калифорния штатында орналасқан Голливудтағы Hollywood Fight Night шоуында айқас өткізеді. Оның қарсыласы - 32 жастағы пуэрторикалық Луис Эрнандес. Кездесу сегіз раундқа жоспарланып отыр.
Мейірім үшін бұл жолғы айқас - он бірінші кездесу. Бұған дейінгі 10 кездесуінің бәрінде де Мейірім Нұрсұлтанов жеңіске жетіп, оның сегізін уақытынан бұрын аяқтаған болатын. Оның қарсыласы 23 кездесу артық өткізіп, жеті мәрте жеңілген. 16-да жеңіске жеткен. Тоғызында Эрнандес қарсыластарын нокаутқа жіберген.
Аталмыш бокс кешінде қазақстандық Әли Ахметов те (13-0, 10КО) өнер көрсетеді. Отандасымыз екінші орташа салмақта жергілікті боксшы Майк Гаймен (9-3-1, 5КО) қолғап түйістіреді.
Еске сала кетсек, осы жылдың қаңтар айында Мейірім Нұрсұлтанов мексикалық Рамон Агинагиді екінші раундта нокаутқа түсірген болатын.
Ұқсас жаңалықтар
Ақпарат
АЭС салсақ - электр энергиясын экспорттаймыз
- 22 қыркүйек, 2024
Қазір қолдағы телефонға да қуат керек заман - Қадырбеков
- 22 қыркүйек, 2024
Алматылық қос азаматтың жазасы жеңілдетілді
- 30 тамыз, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді