ҚР Президенті жанындағы Мемлекеттік басқару академиясының Мемлекеттік басқарудағы жобалық менеджментті дамыту орталығы және академияның облыстық филиалының ұйымдастыруымен мемлекеттік аппараттың кәсібилігі мен мемлекеттік қызметтің тиімділігін арттыру мақсатында мемлекеттік қызметшілердің біліктілігін арттыру семинары өтті. Бес күнге созылған шара барысында аудандардан келген жүзге жуық мемлекеттік қызметші алдында академияның Мемлекеттік басқарудағы жобалық менеджментті дамыту орталығының басшысы Жанар Тайжанова дәріс оқыды. Семинар интерактивті түрде топтық жаттығулар жүргізу, интерактивті пікір алмасу, тренингтер, шағын топпен жұмыс жасау түрінде, тиімді әдістерді қолдану арқылы өткізілді. Шараға байланысты академия филиалының директоры Сабыр Түменбаев былай деді: «Мұндай маңызды семинар біздің облыста бірінші мәрте өткізіліп отыр. Бес күн оқыған мемлекеттік қызметшілерге «Жоба жетекшісі» деген арнайы сертификат беріледі. Ол құжат мемлекеттік жұмысты дамытуда оң әсерін тигізеді. Ең бастысы, мемлекеттік қызметшілер көңілге көп жайды түйіп, біліктіліктерін дамыта түсті». Семинар сабақтарының тиімді, тағылымды болғанын Талас ауданы әкімдігі кәсіпкерлік және өнеркәсіп бөлімінің басшысы Ауданбек Тауасаров та айтып өтті. Басқосу соңында барлық қатысушы мемлекеттік қызметкерлерге арнайы сертификаттар табыс етілді.
Ұқсас жаңалықтар
АЭС жобасы – экологиялық тұрғыда қауіпсіз
- 19 қыркүйек, 2024
Тәртіптің бастауы – әдептілік
- 17 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді