Әмина Лұтфоллақызы, №21 бөбекжай бақшасының меңгерушісі.
Елбасының «Қазақстандықтардың әл-ауқатының өсуі: табыс пен тұрмыс сапасын арттыру» атты Жолдауында сапалы білім беру мен саналы тәрбие көзінің алғашқы қадамдары балабақшадан басталу керектігін айқын көрсетіп айтқаны бізді қатты қуантты. Балабақша алдындағы міндеттер, талаптар, жалпы жұмыс барысы мектептен әлдеқайда басқаша. Өйткені мектепке дейінгі балалардың ойлау қабілеттері, шығармашылық мүмкіндіктері, дағдылары бала кезден қалыптасады. Сондықтан біз Елбасының мектепке дейінгі білім беру сапасын түбегейлі жақсарту керек деген ұсынысын бірауыздан қолдаймыз. Бұл салада біліктілік талаптарын, оқыту әдісін бұрынғыдан да жетілдіре түсу үшін тәрбиешілердің және басқа да қызметкерлердің еңбегіне ақы төлеу жүйесін қайта қарау – балалар бағбандарына үлкен демеу. Елбасы Жолдауында «Педагог мәртебесі туралы» Заңды әзірлеп, қабылдау туралы мәселенің көтерілуі де бекер емес. Себебі мұғалімдер мен тәрбиешілер қауымының мойнына өз міндеттерінен бөлек қаншама жұмыстар жүктеліп жатқаны ешкімге жасырын емес. Ендігі жерде жаңа құжат мұғалімдер мен мектепке дейінгі мекемелер қызметкерлері үшін барлық игілікті қарастырып, міндеттерінен тыс функциялардан арашалауға көмегін тигізетініне сенеміз. Қай заманда, қай қоғамда болсын баланы оқуға үйрету, оған тәрбие беру – ең ұлы мұрат пен ұлағатты іс екенін Елбасымыздың өзі назарға алып отырғанда, біз оны тек қана қуана қолдауға тиіспіз. Тараз қаласы.
Ұқсас жаңалықтар
АЭС жобасы – экологиялық тұрғыда қауіпсіз
- 19 қыркүйек, 2024
Тәртіптің бастауы – әдептілік
- 17 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді