Аудандық Мәдениет үйінде «Ауылдың ең үздік жас ветеринары» атты облыстық кәсіптік байқауы болып өтті. Оған облыс аудандарынан 7 үміткер қатысты. Мал шаруашылығына қатысты сан сауалдан тұратын сыннан сүрінбей өткен меркілік Ержан Жарқынтаев бірінші орынды иеленді. Екінші орынға Т. Рысқұлов ауданының жас ветеринар-дәрігері Нұрслан Шәріпбаев лайықты деп табылса, үшінші орын Талас ауданының өкілі Абдулла Шалқар мен жуалылық Досжан Қожамбаевқа берілді.