Қазіргі таңда Жамбыл облысында Ұлы Отан соғысының 3 ардагері тұрады. Олардың барлығы Тараз қаласының тұрғындары. Жеңіс күніне орай әр ардагерге 5 миллион теңгеден төлем берілді. Бұл сома 10 мың АҚШ долларынан асады, деп хабарлайды aqjolgazet.kz
Жалпы өңір бойынша 3,8 мыңнан астам азамат әлеуметтік қолдау шараларымен қамтылды.
Негізгі алушылар қатарында тыл еңбеккерлері, сондай-ақ қаза тапқан жауынгерлердің жесірлері бар. Барлығы 1310 адамға 50 мың теңге көлемінде біржолғы әлеуметтік көмек көрсетілді.
Сонымен қатар, өзге де санаттағы азаматтарға қолдау көрсетілді:
— бұрынғы концлагерь тұтқындары мен қоршаудағы Ленинград тұрғындарына 60 мыңнан 150 мың теңгеге дейін төлем берілді (2 адам);
— бейбіт уақытта әскери қызмет барысында қаза тапқан әскери қызметшілердің отбасыларына 50 мың теңгеден төленді (18 адам);
— басқа мемлекеттер аумағындағы ұрыс қимылдарының ардагерлеріне (Ауғанстан, Тәжік-Ауған шекарасы, Ирак, Қарабах) 150 мың теңгеден берілді (1559 адам);
— Chernobyl disaster және өзге де радиациялық апаттардың салдарынан мүгедектік алған азаматтарға, сондай-ақ радиация әсерінен дүниеге келген балаларға 150 мың теңгеден төленді (908 адам).
Бұдан бөлек, ардагерлерге 45 АЕК көлеміне дейін санаторий-курорттық емделу мүмкіндігі де қарастырылған.
Ұқсас жаңалықтар
