Астана әкімінің бірінші орынбасары Сергей Хорошунға қатысты соталды тергеу басталды. Бұл туралы Мемлекеттік қызмет және сыбайлас жемқорлыққа қарсы іс-қимыл жөніндегі агенттіктің ресми өкілі Нұрлан Жахин мәлімдеді, - деп хабарлайды Tengrinews.kz тілшісі. "Астана бойынша Антикоррупциялық қызмет Машуровтың елорда әкімінің орынбасары Хорошунның заңға қайшы әрекеттеріне қатысты арызы бойынша соталды тергеу жүргізіп жатыр. Арызға сәйкес, Машуров "Тамыз Инвест групп" АҚ құрылыс компаниясының жетекшісі бола отырып, Хорошунға қорғаншылық жасағаны үшін мүлік өткізген", - деп хабарлады Жахин брифингте. Оның айтуынша, қазіргі уақытта Машуровтың айтқандары тексеріліп жатыр. Тергеу мүддесіне орай істің өзге мән-жайы айтылмайды.

ақпараткөзі:tengrinews.kz