Жамбыл облысы әкімінің өкімімен облыс әкімдігінің мәдениет, мұрағаттар және құжаттама басқармасының басшысы болып Дүйсенәлі Дыбысәліұлы Бықыбаев тағайындалды.

Д. Бықыбаев 1957 жылы туылған, ұлты – қазақ, білімі – жоғары. 1982 жылы Жамбыл мәдени-ағарту училищесін «Мәдени-ағарту қызметкері», 1989 жылы қазақтың С.М. Киров атындағы мемлекеттік университетін тарихшы мамандықтары бойынша бітірген. Еңбек жолын 1977 жылы Луговой ауданының мәдениет бөлімінде киномеханик болып бастаған. 1977-1983 жылдары Луговой аудандық мәдениет бөлімінде автоклуб меңгерушісі, 1983-1986 жылдары облыстық тарихи және ескерткіштер қорғау қоғамының ауданаралық атқару комитетінің хатшысы, Луговой аудандық мәдениет үйінің директоры, 1986-1996 жылдары Меркі, Луговой аудандық мәдениет бөлімдерінің меңгерушісі, 1996-2000 жылдары Луговой ауданы әкімінің орынбасары, 2000-2012 жылдары Т. Рысқұлов аудандық мәдениет үйінің директоры, аудандық мәдениет басқармасының, мәдениет және тілдерді дамыту бөлімінің бастығы, 2012-2013 жылдары Т. Рысқұлов ауданы әкімі аппаратының жетекшісі қызметтерін атқарған. 2013 жылдан бастап облыс әкімдігінің мәдениет, мұрағаттар және құжаттама басқармасы басшысының орынбасары қызметін атқарған.