Өн бойынан тек тектілік тараған, Жан әлемін мейіріммен ораған. Кісілік пен кішілікті тең ұстар, Еркінбегім, еңбегі ерен, нар адам!

Тіршілікте кеуде керіп таспаған, Адамдықтың шеңберінен аспаған. «Сіз, біз» десіп, сыйласып-ақ бәрімен, Қай істе де қиянатқа баспаған.

Қай кезде де Отан дедің, ел дедің, Ұсақ іске көңіліңді бөлмедің. Ірі-ірі іс бітірген ардақтым, Еленді әркез ел деп еткен еңбегің.

Жайсаң жанды жанарынан білемін, Амандығын сырттай сұрап жүремін. Көңіл-көзін кір шалмаған мөп-мөлдір, Жақсы адамдар аман болсын – тілегім!

Мақұлбек Жанәлиев, қалалық ардагерлер кеңесі жастар арасында жұмыс жүргізу жөніндегі тұрақты комиссия төрағасы.

Тараз қаласы.