Қазақстанның ресми атауы "Қазақ елі" болып өзгертілмейді. Еліміздің Сыртқы істер министрі Ерлан Ыдырысовтың бұл мәлімдемесі "La Vanguardia" басылымында жарияланды.

"Керісінше, Қазақстан халықаралық аренада өз позициясын күшейтіп, дамыған 30 елдің қатыранан табылуға ниетті. Халықаралық "EXPO-2017" көрмесі де бұған септігін тигізері анық", - деп қосты министр.Парижде EFE агенттігі тілшілеріне берген сұхбатында министр "стан" жалғауынан бас тартпаймыз деді.

Орталық Азияның басқа елдеріннен ерекшелену үшін "стан" жалғауын алып тастау керек деген шуды бұқаралық ақпарат құралдары көтерді. Оған мән берудің қажеті жоқ. Қазақстан "Қазақстан" болып қала бермек.

"Еліміз көмірсутек пен уран өндіру бойынша алда келеді. Таяу уақыта саяси сахнада да жетекші орын алып, Еуропа мен Азияны байланыстыратын дәнекер мемлекет болу мақсатымыз бар. Бұған дәлел жуырда келісілген Еуразия экономикалық одақ жайындағы келісім. Астана Еуропалық одақпен де экономикалық, дипломатиялық қарым-қатынасты нығайтпақ. Осы орайда Франция үлкен қолдау көрсетуде", - делінген мақалада.

Еске салсақ, сәрсенбі күні Парижде елімізге "EXPO-2017" халықаралық көрмесін өткізуге ресми түрде рұқсат етілді. Сыртқы істер министрі бұл көрме жаңа технологиялар мен энергетиканы дамытуда елімізді жаңа сатыға көтеретініне сенімді.

Ақпарат көзі nur.kz