«ҚР мәдениет және спорт министрі аппаратының кеңесі кезінде ұжымға жаңа вице-министр Асқар Баталов таныстырылды. Ол туризм саласын дамыту мәселелері мен қоғамдық-саяси жұмыстарға жетекшілік ететін болады», - деп жазды Facebook-тегі парақшасында Туризм индустриясы департаментінің басшысы Марат Иғали.

Асқар Болатұлы Баталов 1964 жылы 19 тамызда Алматы қаласында дүниеге келген.

Алматы сәулет-құрылыс институтын, Мәскеу менеджмент академиясын тәмамдаған.

1994-1997 жылдары - «Райымбек» фирмасының вице-президенті.

1997-1998 жылдары - Қазақстан Республикасы Инвестиция жөніндегі мемлекеттік комитетінің бас менеджері.

1998-2005 жылдары - «Қазинвест» қазақстандық инвестицияға жәрдемдесу орталығы» республикалық мемлекеттік кәсіпорнының директоры, «Қазинвест» жабық акционерлік қоғамының президенті.

2005 жылы ҚР Индустрия және сауда вице-министрі болып тағайындалды.

2007 жылдан - ҚР Энергетика және минералдық ресурстар министрлігінің жауапты хатшысы.

2009 жылдан бастап - жеке бизнесте.

Сондай-ақ Еуразия экономикалық комиссиясының көлік және инфрақұрылым департаментінің директоры қызметін атқарды.