Ауыл шаруашылығы министрлігі дайындаған жаңа жер кодексінде қандай мәселелер қамтылған? Соған бір шолу жасап көрсек.

Ауыл шаруашылығы жерлерін жалға беру институты сақталады

• Ауыл шаруашылығы жерлерін жалға беру институтын жетілдіру көзделеді. Ауыл шаруашылығын жүргізуге ниет білдірген адам конкурсқа қатыса алады. Ауыл шаруашылығы жерлерін конкурстық негізде жалға берудің бөлек тәртібін белгілеу қарастырылады.
• Конкурсқа қатысушыларға бірдей қатысуды қамтамасыз ету мақсатында жаңа тәртіп конкурсты өткізу туралы хабарламаны БАҚ, әкімдіктердің және Ауыл шаруашылығы министрлігінің ресми интернет-ресурстарында жариялау қарастырады.
• Ауыл шаруашылығы жерлерін беруге қоғамдық кеңестердің және ұйымдардың өкілдері қатысады.
• Қазіргі уақытта мемлекет ауыл шаруашылығы жерлерін жеке меншікке сатпайды, шетелдіктерге берілмейді.

Ауыл шаруашылығы жерлерінің ең жоғары мөлшерінің көлемін белгілеу

• Жер реформасы бойынша комиссиямен ауыл шаруашылығы мақсатында жалға берілетін жерлердің шекті мөлшерін белгілеу ұсынылды.
• Жер учаскелерінің мөлшеріне шектеуді белгілеу оларды тиімді және ұтымды пайдалануға қамтамасыз етуге мүмкіндік береді. Осындай жерлердің көлемі жергілікті атқарушы органдардың ұсынысы бойынша Үкіметпен бекітілген.

Жыл сайын мониторинг жүргізіледі

• Ауыл шаруашылығы жерлеріне жалға алудың алғашқы 5 жылында жыл сайын мақсатты пайдаланылуына мониторинг жүргізу қарастырылды.
• Ауыл шаруашылығы жерлерінің мақсатты пайдаланылуына мониторинг жүргізу үшін қоғамдық кеңестер мен ұйымдардың өкілдері тартылады.

Ауыл тұрғындары үшін жайылымдарды анықтау

• Ауылдарда жайылымдардың жетіспеушілік проблемасын шешу үшін әкімдерге тұрғындарға мал жаюға қажетті жайылымдарды мемлекет мұқтажы ретінде мәжбүрлеп алып қоюға мүмкіндік беріледі.

Шекара маңынан берілетін жерлерге талаптар күшейтіледі

• Шекара белдеуі мен аумағында орналасқан ауыл шаруашылығы жерлерін беру талаптары күшейтіледі. Мемлекеттік шекара белдеуінде орналасқан жер учаскелері жергілікті халықтың қажеттілігі үшін пайдалануға беріледі.
• Шекара аумағында орналасқан ауыл шаруашылығы жерлері тек Қазақстан азаматтары мен заңды тұлғаларына уақытша жер пайдалану құқығымен беріледі.