Қытайдың Чунцин қаласында 200 метр биіктікте 80 метрлік серуендеуге арналған жол ашылды, - деп хабарлайды Қытай халықаралық радиосы (CRI). Жолдың формасы "А" әріпінің сұлбасымен салынған, ал едені шыныдан жасалған. Бір мезетте осы жолдың үстінде 80 адамға дейін бола алады.  Жергілікті әкімшілік Гиннестер рекорды кітабына өтініш  білдіруді жоспарлап отыр. 2016 жылы қыркүйекте Хунань провинциясында орналасқан Чжанцзяцзе қаласының Ұлттық паркінде Гранд-Каньон үстінен әлемдегі ең ұзын шыныдан жасалған көпір салынды. Көпірдің ұзындығы 430 метр, ені - 6 метр. Бір мезетте көпірдің үстіне 600-ге жуық адам бола алады.

ақпарат көзі. tengrinews.kz