Соңғы кездері Сондерстің өкілдері орта салмақта WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкиннің (37-0, 33 КО) командасымен келіссөздер жүргізіп жатқан еді. Астанада маусым айына жоспарланған бокс кешінде Головкиннің басты қарсыласы ретінде осы ұлыбританиялық боксшы аталған болатын.
Сондерс өз мәлімдемесінде келіссөздердің неліктен сәтсіз аяқталғанын айтпады. Сонымен қатар, ол кіммен келіссөз жүргізіп жатқаны туралы да тіс жармады. Барлық сұрақ бойынша өзінің промоутері Фрэнк Уорренге хабарласуды сұрады.
«Жекпе-жек болмайды. Менен емес, Фрэнк Уорреннен сұраңыздар. Болмашы істермен айналысқым келмейді. Tesco (британиялық супермаркеттер желісі – ред.ескертп) дүкендерінен жұмыс іздеп көрсем деймін», - деп жазды Сондерс Twitter желісіндегі өз парақшасында.
Айта кетейік, инсайдерлік ақпарат бойынша, БАҚ беттерінде Головкин-Сондерс жекпе-жегі Астанада 17 маусымда «EXPO-2017» халықаралық көрмесі кезінде өтетіні хабарланды. Қазақстандық боксшы мен мексикалық Сауль «Канело» Альварес арасындағы жекпе-жек қыркүйекте өтеді деп болжануда, алайда келіссөздер әлі де жүріп жатыр.
Ұқсас жаңалықтар
Туа біткен жүрек ақауын емдеудің жаңа әдісі табылды
- 17 қыркүйек, 2024
Тұмауға қарсы екпе салу басталды
- 17 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді