Астанаға «Челси», «Арсенал», «Ювентус», «Милан» келеді
Еуропаның үздік «Челси», «Арсенал», «Ювентус», «Милан» секілді клубтарының бірі Астанаға келуі мүмкін. Бұл туралы бүгін баспасөз мәжілісінде Астана қалалық дене шынықтыру және спорт басқармасының басшысы Берік Маржықпаев айтты.
«Астана Арена» стадионында қазіргі реконструкция жүріп жатыр. Сондықтан 1 мамырға дейін уақытша жабылды. ЭКСПО көрмесі аясында еуропалық командалардың қатысуымен жолдастық кездесу ұйымдастырмақшымын. Сол үшін стадион жөндеу жұмыстарына байланысты жабылды. Олардың талабы біреу ғана. Яғни алаңның сапасы УЕФА талаптарына сай болуы керек. Атақты ойыншылары келмесе де, «Челси», «Милан», «Арсенал» клубтарының екінші құрамдары келісім беріп қалуы тиіс», – дейді Б.Маржықпаев.
Оның айуынша, қазіргі кезде үш командамен келіссөз жүргізіліп жатыр екен.
«Өздеріңіз көрдіңіздер, 2015 жылы «Астана» клубы Чемпиондар лигасының топтық кезеңінде ойнады. Стадионға жиналған жанкүйерлердің қарасы көп болды. Халықтың футболға деген ынтасы жоғары. Сондықтан ЭКСПО көрмесі аясында жолдастық кездесу ұйымдастыру жоспарымызда бар. Қазіргі кезде «Челси», «Милан», «Ювентус» клубтарымен келіссөз жүргізіліп жатыр», – дейді Спорт басқармасының басшысы.
Ұқсас жаңалықтар
