«Республикалық ғарыштық байланыс орталығының мамандары жер серіктің толыққанды пайдаланылуын және байланыс пен телехабар операторлар желісінің жұмысын жылдам қалпына келтіру бойынша барлық қажетті шараларды жасап жатыр», - деді министрліктің баспасөз қызметі.

Министрліктің мәліметіне сәйкес, қазіргі таңда «KazSat-2» ғарыш аппаратының ресурстарын Қазақстан Республикасының 13 байланыс және телехабар операторы пайдаланады. Бүгінгі уақытта олардың жұмысы уақытша тоқтатылды.

Атап өтсек, бүгін, 2017 жылғы 31 наурыз күні Астана уақыты бойынша сағат 08:22-де «KazSat-2» ғарыш аппаратында штаттан тыс жағдай тіркелген болатын.