1. Preply.com
Preply платформасының тақырыптық блогына жазылыңыз. Бұл сайтта ағылшынша идиомалар, сөздер, бейнематериалдар, инфографика, қызықты деректер мен көптеген тематикалық материалдар жарияланып тұрады. Онлайн-ресурстан тек қажетті ақпаратты ғана емес, теория мен практиканы ұштастыруға көмектесетін репетиторды да табуға болады. Әлемнің әр түкпірінен мыңдаған маман ағылшын тілін скайп арқылы оқытады.
2. Duolingo.com
Орыс тілді Duolingo ресурсы ағылшын тілін ойын түрінде жеңіл формада үйретеді. Түрлі тіркестер арқылы жаңа сөздер үйреніп, мәтіндерді оқып жаттығасыз. Duolingo сервисі веб-нұсқада, сондай-ақ Android және iOS үшін мобильді қосымша түрінде қолжетімді.
3. Dreamreader.net
Онлайн басылымдардың мақалаларын оқығанды ұнатасыз ба? Онда Dreamreader.net сайтына қош келдіңіз дейміз. Ресурста ағылшынша қарапайым тілде жазылған танымдық және қызықты мәтіндер топтастырылған. Аспаздық пен танымал жұлдыздардың өмірінен бастап ғылым мен техникаға дейінгі ақпараттардың барлығын осы сайттан таба аласыз. Мақаланы оқып, тиісті сұрақтарға жауап беру арқылы біліміңізді тексересіз.
4. bbc.co.uk/learningenglish
BBC Learning English – ағылшын тілін үйренуге арналған материалдардың сарқылмас көзі. «Курстар» бөлімінде грамматика, жаттығулар, есте сақтауға тиіс сөздер мен мәтіндер топтасқан видеолар бар. «Қосымша бағдарламалар» бөлімі ағылшын тіліндегі сөздерді дұрыс айтуға үйретеді. Мәтіндер мен аудиолардың денін жүктеп ала аласыз.
5. Busuu.com
Bussuu.com платформасында 60 миллионнан астам қолданушы тіркелген. Бұл жаһандық қауымдастықтың қатысушылары бір-біріне ағылшынша сөйлеу мен жазу дағдысын жетілдіруге көмектеседі.
6. Memrise
Memrise тегін оқыту ресурсы ағылшынша сөздер мен тіркестерді есте сақтауға септігін тигізеді. Есте сақтаудың тиімділігін арттыру үшін мемдар қолданылады.
7. RhinoSpike.com
RhinoSpike.com ресурсы Bussuu принципі бойынша жұмыс істейді. Сайт қолданушылары бір-бірімен аудиофайлдармен алмасып, ағылшын сөздерін қабылдау мен оқуды жақсартуға көмектеседі. Бәрі қарапайым жолмен іске асады. Жүйеге мәтін жүктейсіз, сізге оның аудио нұсқасы шығады. Аудио жүктесеңіз мәтін түріндегі нұсқасын аласыз. Бұған қоса, платформа қатысушыларына дайын аудиожазбалардың кітапханасы да қолжетімді.
ақпарат көзі: Baq.kz
Ұқсас жаңалықтар
Туа біткен жүрек ақауын емдеудің жаңа әдісі табылды
- 17 қыркүйек, 2024
Тұмауға қарсы екпе салу басталды
- 17 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді