Атыраулық кәсіпкер Орынғали Сариев балаларға қуаныш сыйлаудың ерекше әдісін ұсынды. Шаймардан Сариев атындағы облыстық өнер мұражайында өзі салған 3D кескіндегі фотосуреттер көрмесін жасақтады. Бір қарағанда ешқандай өзгешелігі жоқ секілді көрінгенімен, фото, бейне камераларға түсіргенде, суреттерге жан біткендей әсер қалдырады. Көрменің тартымды тұсы – мұражайға келушілер экспозицияның бір бөлігіне айналады. Мультфильм кейіпкерлері, туған жер табиғаты, ғаламдағы ғажайып құбылыстар көрсетілген жиырмадан астам сурет балаларды ғана емес, ересектерді де қызықтырды. – Алдағы уақытта суреттерді алыстағы ауылдарға да апарып, көрсетемін, – дейді Орынғали Сариев. – Бір айдан астам уақыт облыс орталығының тұрғындары мен қонақтары көрмені тамашалады. Қызығушылық көп екенін аңғардым, енді осы бағыттағы жұмыстарымды жетілдіріп, тағы да жаңа картиналар салғым келеді. Жас кәсіпкер бұған дейін Махамбет ауданында жарнама агенттігін ашқан. Енді бизнесін кеңейтіп, заман талабына сай жаңалықтар енгізуге ниетті.
ақпарат көзі: egemen.kz
Ұқсас жаңалықтар
Туа біткен жүрек ақауын емдеудің жаңа әдісі табылды
- 17 қыркүйек, 2024
Тұмауға қарсы екпе салу басталды
- 17 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді