«Сириядағы азамат соғысын бейбіт жолмен шешу маңызды екені белгілі. Сондықтан Женевада өткен келіссөздерден кейін өтіп жатқан Астана процесі өте өзекті. Женева келіссөздерінің шешімін қолдаймыз. 2016 жылдың желтоқсанынан Сирияда оқ атпау режимі орнаған болатын. Біз мамырда өтетін Женева келіссөздерінің одан әрі жалғасқанын қолдаймыз. Бұл келіссөздер Сирия мен қарулы оппозиция арасында жоғары деңгейде өтеді деген сенімдеміз», - деді ол.

Сонымен қатар Ақылбек Камалдинов Сирия келіссөздері Астанада қашан өтетіндігін нақтылады.

«Біз Сирия мәселесіне арналған келесі келіссөздер 3-4 мамыр күндері Астанада өтеді деп шештік. Ал эксперттік консультациялар 2017 жылдың сәуірінде Тегеран қаласында ұйымдастырылады», - деп түйіндеді сөзін вице-министр.

ақпарат көзі: Baq.kz