Әуелі Ұлы Отан соғысының ардагері Елена Макарованың үйіне барған өңір басшысы ардагерге ұрпақ болашағына жасаған ерен еңбегі үшін алғысын білдіріп, теледидар сыйлады.

Елена Макарова майданға 1942 жылдың мамыр айында шақырылды. Ол Отанымызды 2-ші Балтық майданында шабуылшы әуе полкінде қорғады.

Соғыстан кейін 34 жыл бойы облыстық қорғаушылар алқасында қызмет етті.

2 дәрежелі Ұлы Отан соғысының орденімен «Германияны жеңгені үшін» медалімен және өзге мерейтойлық медальдарымен марапатталған.

Мұнан соң Ерік Сұлтанов Ұлы Отан соғысы жылдары ауылдастарымен бірге егістікте жұмыс істеген тыл қызметкері мен көпбалалы ана Орынтай Мұқышеваның үйіне ат басын бұрды.

Орынтай апа 13 бала тәрбиелеп, отбасын асырап, балаларды көтеру үшін фермада сауыншы, мектепте қызмет атқарды.

«Алтын алқамен» және ҰОС жылдары тылдағы жанкешті еңбегі үшін медалімен марапатталған.

Өңір басшысы тыл қызметкерінің фашистік Германияны жеңу үшін қосқан үлесін атап өтіп, алғысын білдірді. Облыс әкімі атынан Орынтай апаға да теледидар табысталды.

ақпарат көзі: Baq.kz