«Крыша» сайтында АҚШ-тағы ең қымбат вилланың сатылатыны туралы хабарлама шығарылды. Вилланың құны 78 млрд теңге ($250 млн).

Лос-Анджелестегі (Калифорния, АҚШ) 28 бөлмелі, төрт қабатты үйдің жалпы ауданы 3 530 шаршы метр. Үй 2016 жылы салынған.

Үйде 12 жатын бөлмесі, үш кешенді ас үй, боулинг холлы, ашық және жабық кинотеатр, екі вино қоймасы, тікұшақ алаңы, арнайы каналға шығатын яхтасы бар.

150 жүздік жерде демалыс ауласы, фитнес орталығы, барбекью алаңы, 25 метрлік хауыз, бес бар, массаж бөлмесі бар.

Вилла құнына сонымен қатар гараждағы көліктің құны да кіреді. Оның ішінде бес мотоцикл бар. Олардың құны $30 млн.