Семейде мектеп оқушысы қаражорға билейтін робот құрастырды
- author «Ақ жол»
- 27 ақпан, 2017
- 299
Семейде «Қара жорға» билейтін құлтемір құрастырылды. Жобаның авторлары Назарбаев зияткерлік мектебінің 11-сынып оқушысы Әділ Ордаев пен оның ұстазы Бақытбек Нұрлыбекұлы.
Бұл ерекше туындысын жерлесіміз жақында ғана Астанада өткен оқушылар шығармашылығы көрмесінде көпшілікке таныстырды. Авторлардың айтуынша, роботтар арнайы бағдарламаның көмегімен қозғалыстың ең күрделі түрі саналатын буын биін орындауға икемделген көрінеді.
Жұмысты аяғына дейін жеткізу үшін ұстазы мен шәкірті бірнеше ай уақыт жұмсапты. Бағдарламаның өзін жасау онша қиын болмағанмен 18 бөліктен құрастырылған техниканы би билеуге «көндіру» оңайға түспеген секілді.
– Бағдарламалау үлгісі екі негізге сүйеніп жасалды. Ал роботтың өзі «Dynamixel» деген серверлі моторларына қосылған. Аталмыш моторлар беретін қуаттың көмегімен робот қозғалады. Болашақта бұл роботтар тек «Қара жорға» ғана емес, «Қамажай» билерін де билейтін болады. Осы арқылы біз ұлттық дәстүрімізді насихаттауға үлес қосамыз, – дейді Әділ Ордаев.
Ұқсас жаңалықтар
Туа біткен жүрек ақауын емдеудің жаңа әдісі табылды
- 17 қыркүйек, 2024
Тұмауға қарсы екпе салу басталды
- 17 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді