Алматыда өтіп жатқан Универсиада-2017 сайыстарына қосымша билеттер сатылымға шықты.
Бұған көреремендер қызығушылығының артуы себеп болыпты. FISU жетекшілігі ұйым атына тіркелген орындардың көбін көреремендерге беретін болып шешті.
Мұның алдында хаттама бойынша трибуналардағы орындардың бір бөлігі FISU мен ресми делегациялар өкілдеріне, сондай-ақ спортшылар мен БАҚ өкілдеріне бөлінген болатын. Бұл сатылымға жатпайтын квоталар жалпы орындардың 30 пайызын құрайды. Қазіргі кезде FISU ұйымы осы квоталық орындардың 90 пайызын еркін сатылымға шығару туралы келісім берді.
Мәнерлеп сырғанау мен хоккей сияқты қызықты спорт түрлеріне билет сату бүгіннен басталады. Билеттерді онлайн және офлайн сатып алуға болады.
Билеттер алыпсатарлардың қолына түспес үшін бір адамға 5-8 билетке дейін ғана сатылады.
Бүгіннен бастап кез келген жарыс түріне билеттер туралы ақпарат Универсиада сайтының басты бетінде жарияланатын болады.
Қазіргі кезде Универсиадаға 184 мың билет сатылған (жалпы мөлшердің 80 пайызы) - бұл Қазақстанда өткен қандайда бір шараға сатылған билеттер бойынша рекорд көрсеткіш. Оның үстіне жарыс басталар алдында сұраныс тіптен артып кетеді. Мысалы, Универсиаданың ашылу салтанатынан кейін бірден 30 мың билет сатылған.
ақпарат көзі: tengrinews.kz
Ұқсас жаңалықтар
Туа біткен жүрек ақауын емдеудің жаңа әдісі табылды
- 17 қыркүйек, 2024
Тұмауға қарсы екпе салу басталды
- 17 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді