Оңтүстік Корея Республикасы Арал теңізінің құрғап қалған ұлтанында фитоорманмелиорациялық жұмыстар жүргізу үшін 1,5 млн АҚШ долларын бөлуді жоспарлап отыр. Бұл туралы Қызылорда облысының табиғи ресурстар және табиғат пайдалануды реттеу басқармасының басшысы Еркебұлан Бекжанов Өңірлік коммуникациялар қызметінде өткен баспасөз мәслихатында мәлім етті, деп хабарлады облыс әкімдігінің баспасөз қызметі.
Бұл Қазақстан мен Оңтүстік Корея Республикасы арасындағы өзара түсіністік туралы меморандумға сай жүзеге асырылмақ. Ол қаржыға ауыл шаруашылығымен айналысатын елді-мекендердің аумағын Арал теңізінен ұшқан шаң мен тұздардан қорғайтын сексеуіл егіледі.
«Жасыл белдеулер» құру жобасын жасау арқылы Арал теңізінің Қазақстан бөлігіндегі табиғи ресурстардың экожүйелерін сақтап, жергілікті халықтың өмір сүру деңгейін жасартуға қол жеткізілмек. Сонымен қатар, басқарма басшысының айтуынша облыста қуаттылығы 11 мың тонна болатын 8 балық өңдеу зауыттары жұмыс жасауда.
Ұқсас жаңалықтар
Туа біткен жүрек ақауын емдеудің жаңа әдісі табылды
- 17 қыркүйек, 2024
Тұмауға қарсы екпе салу басталды
- 17 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді