Денсаулық
Дүйсенова зейнетақы мен жәрдемақының қалай өсетіндігін түсіндірді
- author «Ақ жол»
- 21 желтоқсан, 2016
- 224
Дүйсенова зейнетақы мен жәрдемақының қалай өсетіндігін түсіндірді
АСТАНА. ҚазАқпарат - ҚР денсаулық сақтау және әлеуметтік даму министрі Тамара Дүйсенова Елбасы Нұрсұлтан Назарбаевтың зейнетақы мен бала туғанда берілетін мемлекеттік жәрдемақыны ұлғайту туралы тапсырмасына орай түсініктеме берді, деп хабарлайды ҚазАқпарат. «Зейнетақыны 20 пайызға көтеру туралы тапсырма берілді. Сөз ынтымақты зейнетақы жайында болып отыр. Қазір біз 1 қаңтардан бастап 9 пайызға көтереміз. 1 шілдеден тағы да 11 пайызға көтеріліп, толықтай алғанда жылына 20 пайыз болады. Бала тууына байланысты берілетін жәрдемақы бойынша біз 1 қаңтардан 7, ал 1 шілдеден 13 пайызға көтеріп, толықтай алғанда 20 пайыз болады», - деді министр. Сонымен қатар ол ел бюджетінен бұл мақсатқа қанша ақша жұмсалатындығын да нақты түсіндіріп берді. «Бізде зейнеткерлер 2 млн. адам және шамамен 300-400 мың бала бар. Егер, барлығын қосып санайтын болсақ, шамамен 90 млрд. теңге қажет. Қазір біз мұны Қаржы министрлігімен бірге санаудамыз», - деп атап өтті. Дүйсенованың айтуынша, 2018 жылдың 1 шілдесінен бастап базалық зейнетақы тағайындау ең төмен күнкөріс деңгейі мен жұмыс өтіліне байланысты тағайындалатындығын ескерте кетті. Естеріңізге сала кетсек, ел Тәуелсіздігінің 25 жылдық мерейтойына арналған салтанатты жиында Елбасы Нұрсұлтан Назарбаев ел Үкіметіне келесі жылдан бастап зейнатақы көлемін 20 пайызға арттыруды тапсырған болатын.
ақпарат көзі kazinform.kz
Ұқсас жаңалықтар
Туа біткен жүрек ақауын емдеудің жаңа әдісі табылды
- 17 қыркүйек, 2024
Тұмауға қарсы екпе салу басталды
- 17 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді