Кинематографистер мемлекеттік наградалармен марапатталды
- author «Ақ жол»
- 14 желтоқсан, 2016
- 264
Қазақстан Республикасы Тәуелсіздігінің 25-жылдығына орай өткізілген салтанатты жиында ҚР Мәдениет және спорт министрі Арыстанбек Мұхамедиұлы мәдениет, өнер және спорт қайраткерлерін марапаттады.
- Биыл біз Қазақстан Республикасы Тәуелсіздігінің 25 жылдығын тойлап жатырмыз – бұл мемлекетіміздің тарихындағы маңызды күн болып қана қоймай, бұл күн тарихи меже де болып табылады. Елбасының сарабдал да көреген саясатының арқасында Қазақстан Тәуелсіздік жылдарында бәсекеге қабілетті экономикасы, дамыған инфрақұрылымы және ірі интеллектуалды капиталы бар табысты мемлекетке айналды. Мемлекеттің өркендеуінде өз үлесін оның дамуына күнделікті еңбегімен үлес қосып жүрген әрбір азаматының маңызы ерекше, - деді министр.
Қазақстан Республикасының Тәуелсіздігіне 25 жыл» мерекелік медальдары 100-ден астам адамға табысталды. Қазақстан Республикасы Президентінің Жарлығымен «Қазақстан Республикасының Тәуелсіздігіне 25 жыл» атты медальмен режиссер, Ш. Айманов атындағы «Қазақфильм» киностудиясының президенті Бақыт Қайырбеков, сондай-ақ «Қазақфильмнің» басқа да қызметкерлері - Наталья Чернова, Улбопе Шалабаева и Александр Холодов марапатталды.
Аталмыш медальмен Қазақстан Республикасының мемлекеттілігінің тұрақтануы, егемендігінің нығаюы және әлеуметтік дамуына маңызды үлес қосқан еліміздің азаматтары және шет мемлекеттердің азаматтары наградталады.
Сондай-ақ, елге сіңірген еңбектері мен мәдениеттің дамуына үлес қосып, қоғамдық белсенді қызметі үшін Ш. Айманов атындағы «Қазақфильм» киностудиясының вице-президенті Серік Жұбандықов және режиссер Рүстем Әбдірашов «Құрмет» орденімен марапатталды.
Қоғамдық және мемлекеттік қызметімен еліміздің әлеуметтік-экономикалық және мәдени дамуына, халықтар арасындағы достық пен ынтымақтастықтың нығаюына қосқан үлесі үшін Қазақстан Республикасының Президенті Нұрсұлтан Назарбаевтың атынан танымал актерлер Құман Тастанбеков пен Димаш Ақымов және продюсер Тасболат Мерекенов «Парасат» орденін иеленді.
Сонымен қатар, қоғамдағы ұлтаралық және азаматтық татулықты сақтау жөніндегі жемісті жұмысы үшін халықтар арасындағы бeйбiтшiлiктi, достық пен ынтымақтастықты нығайтуға ciңipreн еңбегі үшін ІІ дәрежелі «Достық» ордені ресейлік режиссер, «Жұлдыздар тоғысқанда» фильмінің авторы – Сергей Снежкинке берілді.
Дыбысрежиссері Руслан Сакиев «Ерең еңбегі үшін» медальімен марапатталып, «Қазақстанның еңбек сіңірген қайраткері» атағын актерлер – Берік Айтжанов пен Алдабек Шалбаев, режиссерлер – Ермек Тұрсынов және Ардақ Әмірқұлов алды.
ақпарат көзі: Baq.kz
Ұқсас жаңалықтар
Туа біткен жүрек ақауын емдеудің жаңа әдісі табылды
- 17 қыркүйек, 2024
Тұмауға қарсы екпе салу басталды
- 17 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді