Шымкентте 250 бала Елбасы атынан сый-сияпат алып, мәре-сәре болды. Қуанышқа кенелген балғындар арасында балалар үйінің тәрбиеленушілері, аз қамтылған және көп балалы отбасынан шыққан бүлдіршіндер мен озат оқушылар да бар. Тәуелсіздіктің 25 жылдығына орай Астанадан арнайы жолданған сыйлықты балдырғандарға облыс әкімі салтанатты түрде табыс етті. Балалар ертегілер елінен келген кейіпкерлермен бірге билеп, әуелете ән салды. Жаңа жылға дейін облыс аумағында дәл осындай көмекке мұқтаж 6 мың балаға қайырымдылық акциясы аясында қолдау көрсетілмек. Пернехан Тұрарбек, Оқушы: - Бүгін мен ағаларымнан куртка, жемпір, спорт және аяқ киім алдым. Сол берген сыйлықтарына алғысымды айтамын. Мен болашақта құрылысшы болсам деймін. Қалама үлкен үйлер соғып, еліміздің гүлденуіне үлкен үлес қосамын деп ант етемін. Бекжан Базарбек, Оқушы: - Жан сырымды өзіңе жаям далам. Тәуелсіздік жолында аянбаған. Ақ ордам бар астасқан аспанменен, Елбасының ерлігі аян маған. Жігерімді танимын алмас қылыш, жырлай берем таңдарды таңға астырып. Асқақтай бер елін сүйген Елбасым, бабалардың арманын жалғастырып.
ақпарат көзі: 24.kz
Ұқсас жаңалықтар
Туа біткен жүрек ақауын емдеудің жаңа әдісі табылды
- 17 қыркүйек, 2024
Тұмауға қарсы екпе салу басталды
- 17 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді