Бюджеттік сала қызметкерлері ҚР Тәуелсіздік күніне орай сыйақы алады
- author «Ақ жол»
- 9 желтоқсан, 2016
- 226
Елордада бюджеттік саласының 39072 қызметкері Қазақстан Республикасы Тәуелсіздігінің 25 жылдығына орай сыйақы алады. Бұл туралы Астана әкімдігінің баспасөз қызметі хабарлады. Бюджеттік және әлеуметтік сала қызметкерлеріне, мемлекеттік қызметкерлерге бір еңбекақы төлеу үшін бюджеттен 1 млрд 900 млн теңгеге жуық қаржы бөлінеді. Сондай-ақ коммуналдық кәсіпорындардың жұмыскерлеріне де сыйақы беріледі. Сонымен қатар 2016 жылдың 16 желтоқсанында Тәуелсіздік күніне орай 1986 жылғы желтоқсан оқиғаларына қатысушыларға 70 мың теңгеден бөлу жоспарланған. Бұған қоса аз қамтылған азаматтарға (18 жасқа дейінгі балаларға тағайындалып, төленетін мемлекеттік жәрдемақы алушылар қатарынан) жәрдемақылар төленеді. Халықтың әлеуметтік қорғалмаған топтарына ақшалай және басқа да көмек түрлері Астана әкімі жариялаған «Астана - мейірімді қала» акциясы шеңберінде де көрсетілуде, бұл шара желтоқсан айының соңына дейін жалғасады. Ай басталғалы әкімдіктің, бюджеттік ұйымдардың қызметкерлері, мемлекеттік қызметкерлер, еңбек ұжымдары және қайырымды жандар балалар үйлеріне, соғыс және еңбек ардагерлеріне, көп балалы отбасыларға, мүгедектерге және т.б. көмек көрсетуде. Аталған акцияға кәсіпкерлер қауымы да қолдау көрсетуде.
ақпарат көзі: 24.kz
Ұқсас жаңалықтар
Туа біткен жүрек ақауын емдеудің жаңа әдісі табылды
- 17 қыркүйек, 2024
Тұмауға қарсы екпе салу басталды
- 17 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді