Мемлекет басшысының атынан қайырымдылық шараларын ұйымдастыру жалпы республикалық акция шеңберінде облыс әкімдігінің тілдерді дамыту басқармасының «Тілдерді оқыту орталығы» да өз тараптарынан игі істің өтуіне ұйытқы болды. Тәуелсіздік мерекесіне орай өткізілген шара барысында орталық тарапынан «Тілашар» оқу курсын бітірген мүмкіндігі шектеулі жандардан жасақталған тыңдаушыларға сертификат тапсырылып, қайырымдылық көмек ретінде азық-түлік себеттері ұсынылды. – Бүгінгі біздің қайырымдылық шарамыздың негізгі мақсаты халықтың әлеуметтік осал санаттарына Тәуелсіздік мерекесін тойлау барысында көмек пен қолдау көрсетуге негізделіп отыр. Сондай-ақ, бізде мемлекеттік тілді оқып бітірген тыңдаушыларға да сертификаттарын тапсыруды жөн деп білдік. Атап айтсақ, «Нұрбала» мүгедектер үйінің күндізгі бөлімшесіндегі психологиялық аурулар мен тірек-қимыл аппаратында ауытқулар бар 18 жастан асқан 22 қызмет алушы оқу курсын аяқтады. Оның тоғызы өзге ұлт өкілдері. Тыңдаушылар сабақ кезінде тілді үйренуге деген жоғары белсенділіктерін танытты. Халқымыздың қашаннан жомарттық пен қайырымдылыққа жаны жақын. Сол ізгі ниетпен осы тыңдаушыларға азын-аулақ сый жасап отырмыз, – деді орталық директоры Ізтұяқ Жамбыл. Сертификаттар мен сый-сияпатқа ие болған тіл үйренуші мүмкіндігі шектеулі жандар қуанышқа кенеліп, алғыстарын жаудырды.
Жанғазы АХМЕТ, «Ақ жол».
Ұқсас жаңалықтар
Қоршаған ортаны қорғауға қоғам белсенділігі қажет
- 19 қыркүйек, 2024
Болашағын әскери саламен байланыстырған сарбаздар
- 19 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді