Дүниежүзілік медбикелер күніне орай өткен облыстық байқауда №3 қалалық емхананың медбикесі Балжан Бекжанова топ жарып, жеңімпаз атанды. Облыс аудандары мен Тараз қаласынан 17 үміткер бақ сынаған сайыста бас жүлдені олжалаған Балжанның теория мен тәжірибені ұштастырудағы біліктілігі жоғары бағаланған еді. Жуырда Балжан республикада осы тақырыпта өткен ғылыми-тәжірибелік конференцияға қатысып, өңірлік байқауда үздік шыққаны үшін Денсаулық сақтау министрі Салидат Қайырбекованың өз қолынан «Алғыс хат» алып қайтты.