2016 жылдың 2-4 қазан аралығында Мойынқұм ауданындағы №19 БЖСМ-нің спорт кешені Қазақстан Республикасы тәуелсіздігінің 25-жылдығына орай қазақ күресінен «Жас Барыс»  республикалық турниріне Жамбыл облыстық іріктеу жарысы өтеді. Бұл туралы дене шынықтыру және спорт басқармасының баспасөз қызметі хабарлайды. Жарысқа аудандар мен Тараз қаласында іріктеу жарыстарынан өткен 3 жас ерекшелігі бойынша: 14 -15 жастағы балалар (9 салмақ дәрежесі), 16-17 жастағы жасөспірімдер (7 салмақ дәрежесі) және 18-19 жастағы жастар арасындағы  (8 салмақ дәрежесі) 250 жуық спортшы қатысуы жоспарлануда. Жарыстың  І іріктеу кезеңі – ауылдық елді мекендерде, ІІ іріктеу кезеңі  - аудан орталықтарында ұйымдастырылып, 2254  спортшы қатысты. Аталған жарыстарды ұйымдастырып өткізуге басшылықты Жамбыл облысы әкімдігінің дене шынықтыру және спорт басқармасы, «Нұр Отан» партиясының Жамбыл облыстық филиалы, "Жамбыл облыстық қазақ күресі қауымдастығы" заңды тұлғалар бірлестігі жүзеге асырады. Жарысты өткізудің негізгі мақсаты Қостанай облысы, Затобол кентінде 2016 жылы 6-9 қарашада өтетін «Жас Барыс» республикалық турниріне облыс құрама командасын жасақтау, ұлттық құндылықтырымызды дәріптеу, діни экстремизм және терроризмге қарсы күресу, жастар арасында нашақорлыққа жол бермеу, қазақ күресі мен салауатты өмір салтын насихаттау, жастарды отан сүйгіштікке, патриоттық сезімге және ұлт-жандылыққа тәрбиелеу болып табылады. Жарыстың салтанатты ашылуы Мойынқұм ауданыындағы №19 БЖСМ-ның спорт кешенінде 2016 жылдың 3 қазан күні сағат 10.00-де өтеді.

Ақпарат көзі: Zhambyl.news