Қазақстандық әнші Головкинге ән арнады
Әнші Диана Шарапова Головкиннің Брукпен өтетін жекпе-жегі қарсаңында қазақстандық боксшыға қолдау көрсету үшін Gena King әніне бейнебаян түсірді, - деп хабарлайды Tengrinews.kz тілшісі.
Айта кетейік, бейнеклипке Риодағы Олимпиада ойындарының қатысушылары түскен. Олардың арасында Олимпиада ойындарының күміс жүлдегері Елдос Сметов, таеквондошы Руслан Жапаров, боксшы Олжас Саттыбаев, сондай-ақ жүзуден рекорд орнатқан Зүлфия Ғабидуллина бар. Бейнебаянды түсіру кезінде Диана Шарапова жұдырықпен жаттығып, секіртпемен және балғамен түрлі жаттығулар жасайды. "Нұсқаушым менің салмағы 15 келі болатын балғаны алып,"КАМАЗ-ды" ұра бастағанымды көріп, таңғалды. Геннадий расында да рингтің патшасы, заманауи бокстың патшасы. Ол Қазақстандағы ең кәсіпқой спортшы, өзінің мансап жолында бірде-бір жекпе-жекте жеңіліске ұшыраған жоқ. Ол мен үшін және бүкіл әлем үшін феномен. Оған арнап ән айту мен үшін құрмет", - деді Диана Шарапова. Еске салайық, Головкин - Брук кездесуі 10 қыркүйекте Лондонда 20 мың орындық О2 аренасында өтеді. Қазақстан және Kazsport арнаары тікелей эфирден көрсетеді. Көрсетілім Астана уақытымен 23:00-де басталады.
ақпарат көзі tengrinews.kz
Ұқсас жаңалықтар
Туа біткен жүрек ақауын емдеудің жаңа әдісі табылды
- 17 қыркүйек, 2024
Тұмауға қарсы екпе салу басталды
- 17 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді