Самарқанд қаласында Өзбекстан Президенті Ислам Каримовпен қоштасу рәсімі басталды, деп хабарлады ресейлік РБК агенттігі. Рәсім самарқандтық мемлекет басшысының резиденциясында өтеді. Залға мемлекет басшылары, шетел делегациясы, республика жұртшылығы мен бұқаралық ақпарат құралдарының өкілдері жиналды. Қаралы жиынды Жерлеуді ұйымдастыру мемлекеттік комиссиясының төрағасы, Өзбекстан премьер-министрі Шавкат Мирзиеев ашты. ҚР Премьер-Министрі Кәрім Мәсімов қаралы рәсімге қатысуда. Өзбекстан билігі кеше Каримовтың қайтыс болғанын ресми жариялаған болатын. Хабарлама ұлттық телеарна эфирінде оқылды. Елде үш күндік қаралы күн жарияланды.   Ақпарат көзі : ҚазАқпарат