Ресей президентінің баспасөз хатшысы Дмитрий Песков ақпарат құралдарында Өзбекстан президенті Ислам Кәрімовтің қайтыс болғаны туралы жарияланған хабарламаларға қатысты пікір білдірді. "Біздің бұл ақпаратты растайтын ешқандай дәлеліміз жоқ", - деді Кремльдің ресми өкілі РИА Новости басылымына. Өзбекстан президентінің аппаратындағы дереккөз ресейлік агенттікке Ислам Кәрімовтің бұрынғыдай ауруханада жатқанын және жағдайының тұрақты екенін айтты. Сондай-ақ, Өзбекстан президентінің қайтыс болғаны туралы тараған хабарламалардың расталмағанын айтты. "Ислам Кәрімов қайтыс болды деген ақпарат расталмаған. Ол ауруханада жатыр. Денсаулығы тұрақты", - деді ол. Айта кетейік, 29 тамызда "Фергана" басылымы, сонымен қатар "Народного движения Узбекистана"  басылымдары мемлекет басшысының дүйенбі күні Ташкент уақыты бойынша сағат 15.00 - 16.00 аралығында миына қан кетіп, қайтыс болды деген ақпаратта мәлімдеген болатын. Осыған дейін Өзбекстан президенті Ислам Кәрімовтің кенже қызы Лола Кәрімова-Тилляева Facebook желісінде әкесінің миына қан кеткенін айтқан болатын.

Ақпарат көзі:Kaz.tengrinews.kz