Естімеген елде көп». Ал естіген жанның есінен ауысқандай күй кешері анық. Оқиға былай болған. Каскела ауылында тұратын 58 жастағы Сапан Сиджха есімді әйел қызын кәдімгі жыланға күйеуге берген. Оның айтуынша, әйелдің күйеу баласы Ичха Наг (индуизм сенімі бойынша ара-тұра адам бейнесіне енетін жылан) көрінеді. Сапан мен қызы Анитаның айтулары бойынша, оған түсінде әлгі жылан келіп, «Наглок жылан әлеміне еріп жүруін» бұйырған екен. Ол жерде қыз екеуінің некелесетінін айтқан. Болған оқиғаны естіген жергілікті тұрғындар Сапан Сиджханың үйіне қарай ағылған. Дүйім жұртты дүрліктірген «жылан жігіттің енесі» жұрт көзінше қызының маңдайына қызыл бояу жағып, синдур рәсімін өткізіпті.