Билл Гейтстің бар байлығы АҚШ ЖІӨ-нің 0,5 пайызын құрайды
Әлемдегі ең бай адамдардың көшін бастап тұрған Билл Гейтстің табысы жылдан жылға еселеніп келеді. Оған өзі акционер болып отырған бірнеше компанияның табысының өсуі ықпал еткен. Бүгінде оның барлық табысы 90 млрд. доллар көлеміне жетті - дейді BAQ.kz тілшісі.
Әлемдік миллиардердің қаржысын есептеген bloomberg.com порталының жазуына қарағанда Билл Гейтстің байлығының шалқи түсуіне оның өзі ірі акционері болатын Canadian National Railway Company және Ecolab компанияларының қаржылық ақуалының жақсара түсуі себеп болған.
Microsoft негізін салған Билл Гейтстің байлығы бүгінде АҚШ-тың ЖІӨ-нің 0,5 пайызын құрайды. Яғни миллиардердің 90 млрд. доллары рекордтық көрсеткішке жетті. Ол әзірге әлемдік байлардың рейтінгінде көш бастап тұр. Ал екінші орындағы Амансио Ортегидің дәулеті 76,5 млрд доллар болса, инвестор Уоррен Баффет 66,9 млрд доллар арқылы үшінші орынға тұрақтады.
Әлемде байлықпен ғана емес, түрлі қайырымдылық қорларына ақша аударумен аты шыққан Билл Гейтстің осы жылдың мамыр айында ғана 76,4 млрд доллар табысы бары анықталған болатын. Үш айға жетер жетпес уақыттың ішінде 15 млрд. доллар пайда тапқан. Әлемдегі байлықтан рекорд жасап отырған миллиардер биыл 61 жаста.
