Бүгін Олимпиада чемпионы Ниджат Рахимовтың туған күні
Рио-де-Жанейрода өтіп жатқан ХХХІ Олимпиада ойындарында 77 келіге дейінгі салмақта өнер көрсеткен Ниджат Рахимов бүгін туған күні. Ауыратлетіміз 23 жасын атап өтеді, деп хабарлайды Baq.kz тілшісі.
Ниджат Рахимов 1993 жылы Бакуде туған. 2010 жылы Еуропадағы жасөспірімдер арасындағы іріктеу турынан бірінші орын алса, Сингапурдегі жасөспірімдер арасындағы жазғы Олимпиада ойындарының жеңімпазы атанған. Ал, 2013 жылы Ниджат Рахимов 18 әзербайжандық штангышымен бірге допинг қолданғаны үшін ойындардан шеттетілген еді.
2014 жылы Ниджат Рахимов Қазақстан азаматтығын алды. Оның әкесі Әли Рахимовтың айтуынша, бұған Әзірбайжан құрамасында тәртіптің болмауы себеп. Алғаш рет ол Қазақстан атынан Қытайда өнер көрсетіп, төртінші орын алған болатын. 2015 жылы ол Хьюстонда өткен әлем чемпионатының чемпионы атанды.
Естеріңізге сала кетейік, жерлесіміз жұлқа көтеру сайысын 160 келіден бастады. Екінші мүмкіндігінде 165 келіні көтерді. Ал үшіншісінде 168 келіге тапсырыс беріп, бұл салмақты ырқына бағындырма алмай, 165 келімен алғашқы сайысты аяқтады. Ал осы сайыста 177 келі зілтемірді көтерген Лондон Олимпиадасының жеңімпазы, қытайлық Люй Сяоцзюнь кіші алтынға ие болды. Серпе көтеруде Рахимов алдымен 202 келіні басынан асыра көтерді. Ал екінші мүмкіндігінде 212 келі Ниджат келі зілтемірді көтерді. Осылайша, Рио Олимпиадасының жеңімпазы атанды.
