Данияр Елеусінов қарсыласын таза жеңіспен ұтты
Бүгін Рио-де-Жанейро қаласында өтіп жатқан жазғы Олимпиада ойындарында бокстан 69 келіге дейін салмақта өнер көрсеткен Данияр Елеусінов ұлыбританиялық қарсыласы Джош Келлиді аса басымдықпен ұтып, келесі кезеңге жолдама алды.
Бұл туралы Риодағы ҚазАқпарат тілшісі хабарлайды.
Данияр алғашқы раундтан-ақ тізгінді өз қолына алды. Қарсыласын қуып та, тұрып та сабады. Екінші раундта да ұлыбританиялық боксшы Даниярды қайта-қайта құшақтай берді. Төреші бір емес, бірнеше рет ескерту де жасады. Үшінші раундта да қазақ боксшысынан ұтылып жатқанын білген Келли өзіне соққы дарытпауға тырысып көрді. Алайда, қазақтың жуан жұдырығы мұрынын бұзбаса да, есеңгіретіп тастады.Гонг соғылып, төреші тоқта дегенде қуанғаны белгісіз, қазақтың қайсар ұлына таңғалғаны белгісіз артына бұрылып, өзі рингке көтерілген бұрышына беттеп бара жатқан Даниярдың артынан ұзақ қарады.
Осылайша, төрешілердің шешімімен жерлесіміз алғашқы жекпе-жегін жеңіспен бастады. Есеп 3:0.
Ал осыған дейін шаршы алаңға шыққан Қайрат Ералиев (56 келі) қарсыласын айқын басымдықпен ұтса, өкінішке қарай Абылайхан Жүсіпов (64 келі) ұлыбританиялық Пэт Маккормактан ұтылып қалды.
Енді жарыс жолында 10 боксшының жетеуі қалды.
Ақпарат көзі: ҚазАқпарат
Ұқсас жаңалықтар
Туа біткен жүрек ақауын емдеудің жаңа әдісі табылды
- 17 қыркүйек, 2024
Тұмауға қарсы екпе салу басталды
- 17 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді