Жуырда ҚХР-дағы ҚР Елшісі Шахрат Нұрышев Шанхай ынтымақтастық ұйымының (ШЫҰ) Бас хатшысы Рашид Алимовке ЭКСПО – 2017 ШЫҰ-ның халықаралық мамандандырылған көрмесіне қатысуы туралы шақыру хатын табыстады. Р.Алимов ШЫҰ-ның ЭКСПО – 2017 көрмесіне қатысуға барынша ынталы екенін мәлімдеді. Ол әлемдік қауымдастық үшін көрменің таңдап алған «Болашақ энергиясы» тақырыбы өте өзекті екенін айта келе, хатшылық жасыл технология саласында жаңа идеяларын таныстыруға әзір екенін жеткізді. ШЫҰ Бас хатшысының орынбасары Сабыр Имандосов ЭКСПО – 2017 көрмесіне ұйымның атынан комиссар болып тағайындалды. Енді ол ШЫҰ-ның ЭКСПО-дағы барлық ұйымдастыру жұмыстарымен айналысатын болады.

«Ақ жол-Ақпарат»