Елбасыға есеп берген Жеңіс Қасымбек алдағы уақытта 7000 шақырым жол салынатын айтты
Бүгін Елбасы бірқатар министрлерді жеке-жеке қабылдады. Бұдан бұрын Мемлекет басшысының қабылдауында Энергетика министрі Қанат Бозымбаевтың болғандығы туралы айтақ еді. Енді Қазақстан Республикасының Президенті Нұрсұлтан Назарбаев ҚР инвестициялар және даму министрі Жеңіс Қасымбекті қабылдады, - деп хабарлайды BAQ.kz тілшісі.
Кездесу барысында Жеңіс Қасымбек Елбасына мемлекеттік "Нұрлы жол" бағдарламасын жүзеге асыру мен еліміздің индустриалды-инновациялық даму бағытындағы негізгі мәселелердің жүзеге асу барысын жеткізді.
Мемлекет басшысы еліміздің дамуы үшін және республикамызға шетелдік инвестициялардың тікелей келуі үшін инновациялық жағдайды қалыптастыру мен қажетті жұмыстардың жүргізілуі керек екенін атап өтті.
Сонымен қатар, Қазақстан Президенті жол-көлік инфрақұрылымының даму мәселелерін, "Нұрлы жол" бағдарламасы аясында орта және шағын бизнесті қолдау мақсатында жаңа жұмыс орындарын керек екенін айтты.
Инвестициялар және даму министрі Жеңіс Қасымбектің айтуынша, биылғы жылдың соңына дейін шамамен 800 шақырым жол салыну жоспарланып отыр.
2020 жылдың соңына дейін ұзақтығы 7000 шақырым автожолдардың құрылысы бітеді. Олардың ішінде Астана - Алматы, Астана - Өскемен, Астана - Ақтау және тағы да басқа бағыттағы жолдар бар.
Бұдан бөлек Елбасы кездесу қорытындысы бойынша министрге бірқатар нақты тапсырма берді.
