Оңтүстік Қазақстан аймағында соңғы үш күнде күн райы күрт көтерілді деп хабарлайды ТВК-ға сілтеме жасаған NUR.KZ. Термометр тілі қала аумағында 43, ал кейбір аудандарда + 49 градусқа дейін жеткен. Осының салдарынан облыстық кардиологилық орталық дәрігерлерінің көмегіне жүгінгендер саны да артқан. Әсіресе, шіліңгір ыстық жүрегі ауыратындарға қиын соғуда. "Соңғы үш күнде бізге келушілер саны көбейді. Шұғыл түрде жеткен 22 адамның барлығы күн ысып кеткенде денсаулығы сыр бергендер", - дейді облыстағы кардиологиялық орталықтың дәрігері Зәуре Омарханова. Ал синоптиктер мұны өтпелі кезең деп болжайды. Олардың айтуынша, күннің қатты ысуына Орта Азиядан келген жылы ағындар әсер еткен. Соның салдарынан сынап бағасы 43 градусқа дейін жетсе, Қызықұм, Арыс, Созақ аудандарына 49 градусқа дейін көтерілді. Дегенмен, мамандар алдағы күндері аптап ыстықтые беті қайтады деп болжап отыр.

Ақпарат көзі: Nur.kz