Саясат
Елбасы ҚХР төрағасына көптеген адамның өмірін алып кеткен су тасқынына байланысты көңіл айтты
Елбасы ҚХР төрағасына көптеген адамның өмірін алып кеткен су тасқынына байланысты көңіл айтты
Қазақстан Президенті Нұрсұлтан Назарбаев Қытай Халық Республикасының төрағасы Си Цзиньпинге елде болған су тасқынына байланысты көңіл айту жеделхатын жолдады, деп хабарлайды Ақорданың баспасөз қызметі.
Мемлекет басшысы Қытайдың бірқатар провинциясында көптеген адамның өмірін алып кеткен су тасқыны туралы суыт хабарды зор күйзеліспен қабылдады.
Қазақстан Президенті ауыр қайғыға ортақтаса отырып, дүлей апаттан қаза болғандардың туыстары мен жақындарына көңіл айтты.
Бұдан бөлек, Нұрсұлтан Назарбаев су тасқыны салдарын тезірек жойып, зардап шеккендердің тезірек сауығып кетуіне тілектестік білдірді.
Естеріңізге салып өтсек, Қытайдың оңтүстік және орталық аудандарында болған су тасқынынан жүздеген адам қаза тауып, жүздеген мыңы эвакуацияланды. Гуанси, Хунань, Хубэй, Сычуань және Хэнань провинцияларында бұрын-соңды болмаған жауын-шашын түсіп, ондаған мың үй су мен лай көшкінінің астында қалды.Ал Қытайдың Хубэй провинциясында нөсер жауыннан бөгет жарылып, 34 мың тұрғын эвакуацияланды.
Ақпарат көзі: BNews.kz
Ұқсас жаңалықтар
