Қытайдың Фуцзянь провинциясында "Непартак" дауылынан 83 адам мерт болып, 19 адам із-түссіз жоғалды. Бұл жайында РИА Новости хабарлады. Алдыңғы ақпараттарда 69 адамның қаза тапқаны хабарланған еді. Құрбандардың көпшілігі - 73 адам - Миньцин уезінде тұрған. «Непартактан» 650 мыңнан астам адам зардап шекті, 500 мыңнан астам адам көшірілді. Тікелей экономикалық шығын 900 миллион юань (135 млн. доллар) деп бағалануда.