Қырғызстанда мұсылмандардың бес парызының бірі - Меккеге қажылыққа баратындарға вакцинация жүргізіп жатыр. Бұл жөнінде денсаулық сақтау министрлігі хабарлады. Таратқан ақпаратқа сәйкес, жұқпалы аурулардан сақтану үшін салынатын екпені 30 шілдеге дейін жүргізеді.

centralasian.org таратқан ақпарға сай, осының алдында хабарланғандай, Сауд Арабия Қырғызстанға қажылық-2016 сапарына 3685 орын бөлген. Биылғы жылы қажылып сапары шығындарды есептегенде, адам басына 2 мың 600 долларды құрайды. Бұл былтырғы жылмен салыстырғанда 50 долларға қымбаттаған.