Жапония халқының саны соңғы 1 жыл ішінде 160 мыңнан астам адамға азайды. Бұл туралы елдің Ішкі істер және коммуникация министрлігі мәлімдеді. Есеп бойынша, ел халқының азаюы соңғы жеті жылда әдеттегі үрдіске айналған. Статистикалық мәліметтерге сүйенсек, 2016-шы жылы тек ұлты жапон азаматтардың өзі, өткен жылмен салыстырғанда 271 мыңнан астам адамға кеміген. Есесіне шет елден келгендер бір жылда 5,5 пайызға артқан. Ал елде жылына 1 миллион 10 мың сәби дүниеге келсе, 1 миллион 300 мыңнан астам адам өмірден өтеді екен.