Мәскеудегі атақты Қызыл алаңға тігілген халқымыздың киіз үйін интернет арқылы көріп, бір қуанып қалдық. Сөйтсек, бұл құрмет «Жібек жолы – 2016» раллиін өткізуге байланысты ұйымдастырылыпты. Кеше, яғни 8 шілде күні раллишілер жарысты бастап кетті. Олар «Ресей – Қазақстан – Қытай» бағыттары бойынша 9000 шақырым жолды басып өтіп, 16 күннен кейін Бейжіңде мәреге жетпек. Жол таңдамайтын «темір тұлпарларына» сенім артқан олар Қостанай, Астана, Балқаш және Алматы арқылы жүріп өтеді. «Жібек жолы» раллиі алғаш рет 2009 жылы ұйымдастырлған болатын.

«Ақ жол-Ақпарат».