Қазақстан премьер-министрі Кәрім Мәсімов әлеуметтік желілерде фейктердің бар екенін айтып, ескертті, - деп хабарлайды Tengrinews.kz тілшісі. "Желіде жалған фейктер көбейіп кетті. Менің жеке шын аккаунттарым: @instagram - KMassimov, @twitter - @KarimMassimov және @KarimMassimov", - деп жазды Twitterжелісінде ҚР премьер-министрі. Биыл 16 маусымда Мәсімов араға төрт жыл салып, Twitter желісінде қайтадан жазба қалдыра бастаған еді. Кейін 26 маусымда премьер-министр Instagram желісіне тіркелді. Қазіргі уақытта оның парақшасына 5 983 адам жазылған, ал Twitter желісіндегі орысша нұсқасында 68 мыңнан аса адам бар.